قصة نجاح بلال محمد

انا محمد عبدالحميد والد الطفل بلال قصه بلال بدأت يوم 23/6/2023 لما روحنا ل دكتور نفسيه و عصبية أطفال و شخص بلال اضطراب طيف توحد الخبر كان صادم لا انا ولا مامته استوعبناه مش مقدرين ولا فاهمين يعني إيه بين يوم و ليله نتبلغ بخبر زي ده مش قله ايمان و الله ولا اعتراض على قضاء ربنا خالص بس هو عدم استيعاب الخبر مش اكتر ما سكتناش و روحنا ل دكتور تاني ف دمنهور و أكد نفس التشخيص ما سكتناش و روحنا لدكتور تالت ف إسكندرية و برضه أكد على نفس التشخيص ف رجعنا تاني ل اول دكتور روحنا له و من هنا تبدأ قصتنا مع مركز ادراك الدكتور طلب مننا اننا نروح مركز ادراك بالاسم و كان مجهود عليا كبير آوي عشان أنا مش من دمنهور مجهود بدني و مجهود مادي بس ربنا عوضنا خير آوي فضلنا ٦ شهور بالظبط النتيجه كانت صفر و كانت حاجه محبطة آوي بس الحمد لله ربنا كان مصبرنا و فضلنا مكملين لأننا كنا شايفين المجهود إللي المركز كان بيعمله من اول الشهر السابع خصل انفراااجه كبيره اوي اوي كل المجهود إللي الناس تعبت فيه ف المركز طول الست شهور ظهر فجأة إحنا بدأنا ب نوعين جلسات تنميه مهارات و تكامل حسي كنا بنحضر جزء من نهايه الجلسه و منا بنشوف ب عنينا المعاناه و المجهود إللي بيتبذل مع بلال و أخص بالذكر ف تنميه المهارات مش ايمان مهما قولت عليها كلام مش هوفيها حقها أدت إللي عليها و زياده آوي آوي و شاطرة آوي آوي و بتتقي الله في شغلها آوي آوي بلال أتعلق بيها حتى بعد الجلسات كل كلمه هي كانت بتقولها كانت البداية للمرحله اللي بعدها ف ربنا يبارك لها يارب و يجازيها خير آوي عن كل التعب اللي هي تعبته معانا بعد كده زودنا جلسات التخاطب و طبعا مش هدير و المجهود إللي هي عملته الكلام ما يتوصفش و الله. لأن اللهم لا حسد حالات التوحد الناطق بيتكون قليله آوي آوي ف بلال إحنا مش عارفين نسكته دلوقتي أصلا 🥰😍 ف اللهم لك الحمد والشكر و طبعا مش إسراء كملت بعدها و برضه مجهود منئدرش ننكره طبعا و ده إللي لاحظه كمان دكتور المخ و الاعصاب ف المتابعه و طبعا المجهود الاكبر كان ل مس إسراء ف التكامل الحسي عشان ده كنا بنشوف العذاب و العياط إللي بلال بيعيطه لما كنا بنحضر جزء من الجلسه آخر كلمه هقولها للمركز و ربنا علي ما اقول شهيد اللي انا شوفته منهم سواء ف المعامله أو ف المجهود أو ف النتيجه خلاني المركز يكون أول ترشيح ليا لاي حد يسألني و بقلب جامد و بثقه كبيره الحاجه الأخيرة و الاهم إللي أنا وصلت أو اللي بلال وصله يعني بلسان دكتور المخ و الاعصاب قال مكنتش احلم اني اوصل ل نصه و لما كتبت على جروب خاص ب أطفال التوحد ان إبني ربنا أتم شفاه مكنوش مصدقين إن في حالات توحد بيحصل فيها شفاء فاللهم لك الحمد و الشكر يارب ف الشكر طبعا للمركز بالكامل و أخص بيهم مستر باسم مس ايمان مس إسراء مس هدير مس إسراء و مقدرش انسي طبعا مس ولاء و هي عارفه اللي عملته معانا 🤍🤍🤍🤍🤍