قصة نجاح رقيه محمد منصور

انا ام رقيه وعاوزة أشارك معاكم قصة نجاح وشفاء بنتي رقيه بفضل الله تعالى أولا وأخيرا ثم مجهود مركز إدراك واستاذة هدير بدأت ألاحظ على رقيه بعد عمر عام ونص عدم انتباهها لنداءاسمها وعدم القدرة على التعبير عن احتياجات بطريقة طبيعية زي الإشارة مثلا وطبعا ماكنتش بتتكلم خالص ولا بتقول حتى بابا وماما بحثت على النت لقيت دي اعراض توحد طبعا دي كانت صدمة كبيرة لكن ربنا قدرني وتخطيت الأمر وبدأت ادور على مكان يكون كويس عشان علاج رقيه لان الحالات دي افضل حاجة ليها هي الجلسات في مراكز التدريب اكثر من العلاج الكيميائي فهو لوحده ليس له دور فعال ولكن مع الجلسات التغير يكون ملحوظ بفضل الله وحده وطبعا الحمد لله إن صديقتي نصحتني بمركز إدراك وكان فضل ربنا سبحانه وتعالى إن وفقت للمكان دا من الأول وبعد رقيه ما خلصت جلسات التكامل الحسي وكان متزامن معاها جلسات تنمية المهارات دخلت رقيه مع أستاذة هدير تخاطب وبفضل الله تعالى بدأت رقيه تنطق أصوات وبعد كدا كلمات واضحة وبعد كدا جمل قصيرة وبعدها جمل طويلة وطبعا دا خد مننا وقت ومجهود مشكورة عليه أستاذة هدير طبعا وكانت بتحصل انتكاسات ولكن أستاذة هدير كانت دائما بتطمني وتقولي إن الأمور دي طبيعي انها تحصل وهتاخد وقتها وتنتهي وفعلا دا اللي حصل ولما وصلنا لقدرة رقيه إلى التعبير وإنها بقت قريبة من سنها العقلي لغويا طمنتني أستاذة هدير بإن بعض الكلمات والحروف غير الواضحة هتتحسن مع الوقت وبفضل الله دا بيحصل حاليا وقدرت ادخل بنتي مدرسة عادي بفضل الله وكرمه والشكر موصول للأستاذة هدير طبعا ومركز إدراك على مجهوده وأمانته في العمل 🥰🥰🥰 وانا حبيت أشارك معاكم قصة نجاح رقيه لعلها تكون حافز لناس كتير 🥰🥰🥰