قصة نجاح احمد طارق

السلام عليكم انا بشكر مس اسراء فتحى اخصائيه التكامل الحسى بمركز إدراك ع كل التعب والمجهود مع احمد ابنى دخل معاها اول جلسه يوم ١٩/٩/٢٠٢٣ مكنش بيقدر يقف ع رجليه نهائى كل مايقف يقع وكمان كان عنده انحراف واضح فى رجليه خصوصا وهو بيمشى وكان دايما رافع ايديه وهو ماشى ومكنش بيبص قدامه يعنى ممكن يخبط فى اى حاجه وهو ماشى بس الحمد لله الفضل لمس اسراء بعد ربنا احمد النهارده اتخرج من الحسى خلاص ٢٩/٦/٢٠٢٤ بقى بيمشى كويس جدا والانحراف ال فرجليه مبقاش موجود ومبقاش يرفع ايديه خالص وبياخد باله من اى حاجه قدامه ويفاديها لما يمشى و بيقدر ينزل ويطلع السلم وبقى متزن جدا شكرا لأحسن مس اسراء فالدنيا وربنا يجعله فى ميزان حسناتك يارب ❤️❤️